Kangen Simbok
Author: pujiarya
Dumadakan luh tumetes ana ing pipi
Aku ora bisa mangerteni apa sebabe
Sing dak deleng mung rasa nyesek
Karo swara sesenggukan nglarakake ati
Uwis ojo ditutugne
Cukup, aku ora mentala
Sesawangan kuwi gawe ati lara
Mula dak wanekake nguluk pitakonan
Kepriyeo wae aku kepengin mangerteni
Opo sebabe luh kuwi tumetes mili
Ngluluk bareng swara tangis miris ati
“Kangen Simbok!” panjerite nalika dak aruhi
Sing dak mangerteni
simboke pancen ninggalake dheweke
kawit umur rong sasi
Geguritan dening: Puji Arya Yanti
(dimuat di Genta Edisi Februari)
